Moansch.net? - Blog aus Südtirol

Löschtn Freitig wors soweit... aufn Ritten hobn sich die Südtiroler Webmarketer zum zweiten Schtommtisch getroffn. Nochdem es erschte Mol die Runde nou kloan wor, hobn mir desmol versuacht in Kreis zu erweitern.

Wos soll i sogn, es wor brutal luschtig. Gonz die Zachn hobn bis spät, spääähhht in die Nocht ongholtn. Schod hon i gfundn, dass aufgrund der zohlreichn Teilnehmer net jeder mit jedm ins Gespräch kemmen isch. Der Schwarpunkt wor a mehr "Schtommtisch" als "Webmarketing", es wor zwor luschtig, ober die Informationen sein im Verhältnis zum erschten Mol eher spärlich ausgetauscht gwurdn. Ober wos solls, man hot sich getroffn, man hot gratscht, man hot glocht... Es wor a gelungener Obend.

Ba der Gelegenheit a groaßes Donkschean und Kompliment an insern Wirt, der sehr geduldig mit ins wor und der ins mit köschtlicher Südtiroler Küche verwehnt hot.

Ober wos red i do long umanont: Bilder sogn mehr als tausend Worte!

Mobloggen macht Spaß, vor allem mit dem iPhone! Meine ersten wackeligen Moblogging-Versuche sind zwar etwas peinlich, aber was solls! Ihr findet diese unter der tollen Domain: www.moblog.info

Wie auch immer, Herbert hatte die Idee, vom 2. Webmarketing-Stammtisch morgen live zu bloggen. Und zwar gemeinsam. Die Fotos werden an Flickr geschickt, und mit einem gemeinsamen Tag (zweiterwebmarketingstammtisch) versehen. Meine Fotos und Kommentare gibts live unter www.moblog.info, und die zusammengeführten Bilder werden sich unter flickr.com/photos/tags/zweiterwebmarketingstammtisch/ finden lassen.

Mal sehen was dabei rauskommt...

Leitlen, eatz isch es bold soweit. Nägschten Freitig geat dor 2. Südtiroler Webmarketing-Schtommtisch über die Bühne. Die Ongmeldeten werdn in die nägschtn Tag von insern Wirt direkt kontaktiert, um die Reservierung zu bestätigen. Er werd enk a schreibn, wia schpot es kemmen kennts.

Wenn sich nou a poor Nochzügler onmeldn wölln... bitte gern (in die Kommentare). Wenn jemand ausfollt, rutscht oanfoch der nägschte noch (wia im Londtog also ).

Folls es net wissts, wo des genau isch, logisch gibs an Onfohrtsplan. Dor Herbert erwortet ins schun:

Update: Wos i foscht vergessn hett... in 22. Novembr schteig in Bruneck a eTourism-Fete de man net versahmen sollet. (Urschpruengliche Onkuendigung, aktueller Poscht mit Teilnehmerlischte) Sou, wiai in Hanspeda kenn, werd des a schteile Fete werdn, ba der man sicher (zu schpaeterer Schtunde) den oanen odor onderen Insidertipp derfrogg! Man sigg sich zem!

Nochdem der erschte Südtiroler Web-Marketing Schtommtisch a Mords-Spass wor, geats eats auf zum zweiten. Und zwor gean mir desmol Törggelen. Die Veronschtoltung isch grundsätzlich für olle offn.

Ober:

Wer soll kemmen? Jeder aus Südtirol, der sich mit Web-Marketing, Web 2.0, SEO, SEM, etc. beruaflich befosst und derzua a eppes zu sogn hot. Und a bereit isch offen Erfohrungen auszutauschn.

Wer soll net kemmen? Jeder, der lei lousn will und nix sogn, Spammer und schunschtige Parasiten, Links-auf-Satzzeichen-Setzer ;-), Scharlatane und Leit-ibern-Tisch-Ziacher und olle de lei derfrogn wölln, wia sie ihre Website in Google auf die erschte Seit kreagn. De olle brauchn net kemmen.

Also:

2. Web-Marketing Schtommtisch

• am Freitig, 14. November 2008
• ob drui Nommitog geschlossener Schtommtisch, für olle, de explizit eingloden werdn
• ob siebene offener Stommtisch für olle, wo mir ban Törggelen gemiatlich ratschn kennen (Open End)
• aufn Rittn, im Gasthof Plörr, ban Herbert
• Eintritt isch frei
• Dor Schtommtisch isch auf max. 24 Teilnehmer begrenzt
• Es Törggelemenü koschtet 18 EUR pro Kopf ohne (!) Getränke, wobei dor Wirt die erschte Runde Wein schpendiert
• Wer will, konn dernoch im Plörr übernochtn: 26 EUR pro Kopf im Doppelzimmer mit Frühstück (Achtung: begrenzte Anzahl von Zimmer)
• Onmeldung mit Vor- und Nochnome, Firma und E-Mail-Adresse in die Kommentare bis späteschtens 10. November isch Voraussetzung. Bitte jeweils zuischreibn wer a im Plörr übernochten will.
• Dresscode: Absolutes Krawatten-Verbot!

Deswegn:

Rechtzeitig in die Kommentare onmeldn. Wia gsogg isch die Teilnehmeronzohl und die Onzohl der Zimmer begrenzt. I frei mi schun auf an interessanten Nommitog und an luschtign Obend.

A Übersicht über die ongemeldeten Leit findets es do. (letzte Aktualisierung: 26. September)

Update 26. September: Wias ausschaug sein mir ausgebuacht. 24 Teilnehmer hobn sich ongemeldet. Wer a nou kemmen mechet, konn sich ober dechtersch gerne in die Kommentare onmeldn. Sicher werd der oane oder ondere kurz vor der Veronschtoltung nou osogn measn, und zem tatn holt die erschten von der Wortelischte nochruckn. Also, lei zua!

Aufn Ritten isch geschtern gfochsimplt und gläschert gwurdn. Mir hobn insern erschten Südtiroler Web-Marketing Schtommtisch ogholten.

Kemmen sein: dor Herbert, dor Martin D., dor Hanspeda, dor Martin M., dor Andreas, dor Frankie, und i wor a do.

Mir sein a luschtige Runde gwesn und hobn ins di Gosch iber olls Megliche dorrissn...

Dor Martin hots vorgschlogn, eatz ziachn mirs durch. Den Freitig schun findet es erschte Treffn von die Web-Marketer aus Südtirol schtott. Und zwor ban Herbert afn Ritten obn.

Wer soll kemmen? Jeder aus Südtirol, der sich beruaflich mit SEO, Blogs, Social Media Marketing und ähnlichem befosst und bereit isch, offen Gedonken und Ideen (eventuell a Links ) auszutauschen.

Wer soll net kemmen? Jeder, der moant er kreag eatz do obn die ultimativen Suchmaschinenoptimierungs-Tipps für sein Hotel oder für sein Portal. A de, de lei zuahorchn und net viel sogn wölln, brauchn net kemmen. De, de wissn wölln, wia man am beschten sou viele Keywords wia meglich in die META-TAGs unterbring, kennen a derhoam bleibn.

Also:

1. Südtiroler Web-Marketing Schtommtisch
Freitig, 14. März 2008
ob fünfe Nommitog (bis dor Chef ins aussischmeißt)
aufn Ritten, im Gasthof Plörr, ban Herbert
Eintritt frei (Onmeldung mit Vor-, Nochnome, Firma und Email-Adresse in die Kommentare isch erwünscht)
Fir Schpeiß und Tronk sorgt dor Herbert, wobei sich jeder selber finanziert
Folls es länger dauert, hot dor Herbert a poor Zimmor frei

I bin schun gschponnt, wia des ausgean werd!