Moansch.net? - Blog aus Südtirol

Dor Frankie wills wissn... wos ins Südtiroler und altoatesini so schmeckt. Find i guat, weil Essn keart zur Kultur, und vielleicht finden mir mehr Gemeinsomes als mir denkn.

Also, wos i gern iss:

• Plent (mit Hauswurscht, mit Gorgonzola, mit Gulasch, mit Leber, mit ...)
• Spaghetti aglio, olio e peperoncino
• Spaghetti al pesto
• Schpeckknedl mit Gulasch
• Fleischkrapflen mit Erdepflpüree
• Tomaten mit Mozzarella

Mmmmhhh...

Pinktlich mitn erschtn wormen Wochenend-Tog im Johr ziags die Leitlen aussi, vor ollem die Motorradlfohror. Im Prinzip schean, i gunns immene wirklich. Wenn lei olle (wia die meischten) mit a bissele Hirn fohrn tatn... ober wia jeds Johr, gibs a huier a poor hortnäckige Idioten! Mir isch heit oaner begegnet. Mir kimp des net luschtig fir.

Weihnochten gea i ollm mit gemischte Gefühle entgegen. Oanerseits isch es jo schean, vor ollem wenn kloane Kinder do sein. Ober ondererseits isch de Zeit jedes Johr mit erheblichen Druck verbundn.

Wos die Weihnochtszeit fir mi gonz persönlich bedeitet:

• Die 13. Gehälter sein zu zohln
• IVA Akonto Ende Dez., Stuier Akonto Ende Nov.
• 2 Wochn die Firma zua tean
• Nou schnell olls förtig mochn, bevor mir zua tean.
• A wenn mir zua hobn, muas i decht ollm für "Notfälle" erreichbor sein.
• Johresrückblick
• Obschluss Planung firn nägschtn Johr
• A wenn mir zua hobn... decht ins Biro gean und umanonderkraln (meischtens werd de Zeit gnutzt, um die internen Server aufn nuieschten Schtond zu bringen)
• Oschpele... net vergessn die Gschenklen zu kafn.
• Schtress-Höhepunkt am 23. Dezember meischtens gegen 18 Uhr
• ober donn...
• Puhhhh! A bissele oscholtn.
• Weihnochtsobend mit Christkindl- und Engeleversteckspiel (fir die Kloanen)
• Mit die Buabn und mitn Schotz die Krippn in Ruffre onschaugn gean.
• In Schnea (hoffentlich kimp eppes) amanonderschpaziern und Schlittn fohrn
• Vielleicht, wen die Buabn greaßer sein, wer i wieder amol es Snowboard ausserziachn?
• Wia schun gsogg: im Biro umanonderkraln, ober weaniger Produktivs zommenzuderstölln als geplant ober decht Gonkn zu sortieren und Ideen zu sommeln.
• Nochn Urlaub zu weanig ausgroschtet ins nuie Johr startn!

Ah, des treibn die Nochborn vom obern Schtock (do ober insern Biro in Frangart):

Des Zitat muas i do für meine persönliche Chronik feschtholten. Und zwor isch de Aussog von an Kolleg von mir kemmen, und passt hundertprozentig. Es geat um Lieferantn bzw. Kommunikations-Dianschtleischter:

"Wichtig isch, dass mir konsequent bleibn. Sobold irgend a Kloanigkeit nimmer passt... ZAGG! Weck sein sie! Die ondern schtean schun in der Schlong."

Und i muas sogn, der Erfolg gib ihm recht!

Normalerweise bin i koan Schpielverderber. I verschteas a, wenn olleweil mear Leit ihr Lebn, oder wenigschtens Ihre Gesundheit in Gefohr brengen measn, um genau des Lebn zu gschpiern. I konn verschtean, dass sette Kicks süchtig mochn konn.

Ober wos i net verschtea ...

Heit amol eppes Lokales:

Ba ins im Überetsch gibs haufenweise Ensembles zu schützen. Der Überetscher Stil will erholten bleiben, und insere Dorfprominenz setzt sich a derfir ein. Do muas a geplantes Haus schun amol um 20-30 m verschoben werden, damit der Blick aufn Kirchturm net versperrt werd. Find i a guat. Mein dem Tourismus wohlgesinntes Herz verschteat des.

Heit bin i ober wieder amol Meheal ummigfohrn. Zem hon i gsechn, dass die Baustöll in der J.-G.-Plazer-Str. weck isch und dass man wieder in Dorf aui fohrn konn. Ober.... wos isch des? Die gonze Stroß vom Eppanerhof aweck bis aui zum Logos isch roat asphaltiert. Jo, sou a roat, wia mans oftramol ba die Zebrastroafn oder ba die Radlweg sigg. Die gonze Stroß... aui und aui. (Foto werd nochgreicht, i versprichs)

Guat, es isch a gfahrlicher Obschnitt von der Stroß. Sicherheit geat vor, wenns denn hilft. Ober wo bleib der vielgeprießene, hochgejubelte und ba private Bauvorhoben gnodenlos durchgesetzte Ensemble-Schutz? Wars net gscheider gwesen, zwoa oder drei liegende Polizischten zu mochen?

Ba der Gelegenheit: i hoff, dass der Artikel im Überetscher Gemeindeblattl, in dem gsogg werd, dass es Lond firn Ausbau von der Mendelstroß im Tumortol obn unter a 80m longe und 8m broate Brugg und ondere Baumoßnohmen für 15 Mio. plant, wirklich lei a zu friaer Aprilscherz wor. Wall sell war jo super, Mendelrennen verbiatn, ober olls ala grande zuabetoniern. Und sell a nou in der Heach obn, so dass mans in gonzn Unterlond sigg. Wia gsogg: i konn do lei an an verschnellen Aprilscherz glabn... glocht hon i ober net.

Wer von unseren hochdeutschen Mitlesern den Titel nicht versteht, dem möcht ich ihn erklären:

"Fux passn" ist ein typischer Südtiroler Ausdruck für

• einen Zustand von Nervosität und Vorfreude
• Parken in der Pole Position
• Angst vor der Zukunft
• ständiges Überprüfen des Handyempfangs
• freudiges Vorbereiten von kleinen Sachen
• Entschuldigungen im Vorab für vielleicht versäumte Termine in naher Zukunft
• ständige Bereitschaft für rekordverdächtige Sprints
• Verschiebung der Prioritäten
• ...

Um was es eigentlich geht?