Moansch.net? - Blog aus Südtirol

Wenn i driber nochdenk, welchn Aufwond man in an Unternemmen betreibn muas, um die Privacy- und Finanzgesetze holbwegs einzuholtn, donn wunderts mi schun, dass die Finanzbehörde so frech und flächendeckend die Privacy-Gesetze ins Lächerliche ziag. Wos soll man do derzua nou sogn?

Update 2. Mai: Die Datn geischtern ollm nou irgendwo im Web umanonder! Folls jemand zuafällig komplette Datn von gonz Italien, oder die Daten von Südtirol hot... i waret donkbor derfir! Oder in Foll a: Biete Daten von Torino (die sem hon i) für Daten von Bozen!

I hon schun schmunzeln gmeaßt, wenn ich gsechn hon, welche Partei heit auf die Seitn 13, 15, 16, 17, 18, 19, 23, 25, 26, 29, 31, 32, 33, 35 und 36 vom Togblattl von die Sidtirouler Besserung geloubt hot.

OK, die Wohllokale sein zua, und eatz terf man fleissig schätzen, mutmoßen, gescheit sein und sogn: "I hons e ollm schun gwisst!". Logisch hon i mi logisch gfrogg: hot Google es Ergebnis a schun gwissts?

Wusste Google schon das Ergebnis?

Laut erschte Exit-Polls kannats in etwa hinkemmen, wobei der Obschtond Berlusconi / Veltroni net sou groaß sein sollet wia auf Google-Trends. Logisch sein de Charts do mit Vorsicht zu genießen. Weil, vielleicht hobn de vom Partito democratico noch Berlusconi gsuacht, um zu schaugn wos die Welt über die Konkurrenz sog, und umgekehrt. Ober luschtig isch es ollemol... vor ollem wenn man sigg, dass z.B. in Rimini, Ancona, Genova und Pisa foscht überhaupt net nochn Veltroni gsuacht gwurdn isch.

Ober wortn mir o, wias endgültig ausgeat. Wer eatz schun glab, dass es eatz endgültig vorbei isch, der konn jo noch politischem Asyl in irgendwelche weiterentwickelten Länder onsauchn!

Gonz a interessants Filmele hon i in die Kommentare vom Étranger gfunden. Eigentlich a Schtickl von an öltern Film, ober... des passt!

Ober logisch isch des lei a Fantozzi-Sketch. Mir gean dechtersch olle wähln, moansch.net?

Die Chinesn hobn sich mit de olympischen Spiele in Kombination mit Ihrer Schturheit in Tibet woll a tamisches Eigentor gschossn...

Dor Hanspeda hot mi drauf aufmerksom gmocht. Die Wohlwerbung schpielt sich olleweil mehr im Web o. Und vor die Wohln zoagn sie olle an brutaln Einsotz:

Do die Südtiroler Volkspartei:

Bsunders gfollt mir ba des Spot von der SVP die Assoziation "Politik = Müll".

Do der Walter und seine Kumpanen:

OK, bewährte Werbekonzepte funktioniert meischtens am beschten.

Und logisch dor Silvio mit Kollegn:

Für diejenigen, dies schon immer wissen wollten. Hier stehts.

Jo, es Feil Schähring. Mir werd jo öfters unterschtöllt, dass i mear mit de peer-to-peer-Netze zu tean hon. Ober sell konn i mit reinem Gewissn sogn: Na, i hon nix dermit zu tean, und i sig des a net gern. Mein Nochnomen hots schun long vorm Internet gebn!

Auf jeden Foll scheints, dass es de pajazzi do in Rom untn zommenderschtöllt hobn, do wieder amol an Puff einizukreagn. heise.de frog sich sogor: "Filesharing durch neues Urheberrecht in Italien legalisiert?"

Net letz. Und i glab net, dass des momentan die greaschten Probleme in Italien sein...

A wenns ollm nou net omtlich isch (der Rücktritt muas vom Napolitano nou ongnummen werdn), so wors decht schun seit a poor Tog (foscht) fix.

Dor Prodi hot ausregiert. (Bericht in deitsch)

Und i woas eatz ehrlich net, ob i vor Freid und Erleichterung lochn, oder wegen dem Chaos in den Zirkus do untn rearn soll. Wos werdn de Clowns do untn eatz in der Krise auffiahrn?

Update, 25.01.2008:
Tolle Filmelen zur Obstimmung gibs auf youtube

Vor an Johr, hobn mir schun oanmol übern offiziellen Italien-Portal gschumpfn. Heit meaßn mirs wieder tean.

italia.it isch offline. (Es wor schun im Oktober obsehbor.) Ober koane Ongscht, von die ursprünglich vorgsechenen 45 Mio. EUR sein lei (!) 7 Mio ausgebn gwurdn. Super!

Die Gschicht isch ober nou net gessn. Es italia.it werd wieder auferstehen, und mir werdn nou Gelegenheit kreagn, driber zu läschtern.

Irgendwia scham i mi a bissele, in an Lond zu lebn, des net amol inschtond isch, holbwegs an touristischen Internetauftritt bis heit (2008!!) auf die Fias zu schtölln.