Moansch.net? - Blog aus Südtirol

Die von moansch.net eingsetzte Blog-Softwär, hot a tolle Funktion: noch X Tog measn olle Kommentare von an Eintrog moderiert werdn. Sell soll oan helfn, in Blog schpämfrei holten zu kennen.

Normalerweise, wenn jemand an Kommentar zun an oltn Beitrog poschtet, werd der sofourt freigscholten, a wenn irgendwelche Links zu Portalen odor ähnlichem entholten sein. Wenn ober oaner sich unbedingt über an Kommentar an Link besorgn, und hortnäckigerweise den Kommentar glei dreimol einischreib, und donn noch a poor Tog wieder probiert, weil er oanfoch net glabn konn, dass der Link Kommentar net online geat, donn.. jo donn wer i a schtur.

Deswegn:

Harald loss es sein, der Blog do isch mein!

Weihnochten gea i ollm mit gemischte Gefühle entgegen. Oanerseits isch es jo schean, vor ollem wenn kloane Kinder do sein. Ober ondererseits isch de Zeit jedes Johr mit erheblichen Druck verbundn.

Wos die Weihnochtszeit fir mi gonz persönlich bedeitet:

• Die 13. Gehälter sein zu zohln
• IVA Akonto Ende Dez., Stuier Akonto Ende Nov.
• 2 Wochn die Firma zua tean
• Nou schnell olls förtig mochn, bevor mir zua tean.
• A wenn mir zua hobn, muas i decht ollm für "Notfälle" erreichbor sein.
• Johresrückblick
• Obschluss Planung firn nägschtn Johr
• A wenn mir zua hobn... decht ins Biro gean und umanonderkraln (meischtens werd de Zeit gnutzt, um die internen Server aufn nuieschten Schtond zu bringen)
• Oschpele... net vergessn die Gschenklen zu kafn.
• Schtress-Höhepunkt am 23. Dezember meischtens gegen 18 Uhr
• ober donn...
• Puhhhh! A bissele oscholtn.
• Weihnochtsobend mit Christkindl- und Engeleversteckspiel (fir die Kloanen)
• Mit die Buabn und mitn Schotz die Krippn in Ruffre onschaugn gean.
• In Schnea (hoffentlich kimp eppes) amanonderschpaziern und Schlittn fohrn
• Vielleicht, wen die Buabn greaßer sein, wer i wieder amol es Snowboard ausserziachn?
• Wia schun gsogg: im Biro umanonderkraln, ober weaniger Produktivs zommenzuderstölln als geplant ober decht Gonkn zu sortieren und Ideen zu sommeln.
• Nochn Urlaub zu weanig ausgroschtet ins nuie Johr startn!

OK. Nach Herbert, Frankie, Val und Davus wurde das Stöckchen nur an mich weitergegeben. (danke übrigens Davus für das tolle Bild)

Hier ein Auszug aus meinem Feedreader (den nicht schaffe regelmäßig zu scannen):

Weil die Val mi heit übers Bloggn, über Web 2.0 und übers Internet ausgfratschlt hot... do a passendes Video:

Link: sevenload.com

Die Frau Schnutinger stellt überhaupt ollerhond Interessantes ins Netz:

http://toonblog.squarespace.com/
http://de.sevenload.com/mitglieder/Schnutinger/alle

Guat, viele werdn sich denkn: jo muas denn des sein? Web 2.0 ohne Rücksicht auf Verluschte? E bè. Irgendwia hobn de Recht. Ober gonz ehrlich: sell isch mir wurscht!
In Herbert und mir mocht des Spaß. Und weil mir mitanonder schun es Südtiroler Dialekt-Wörterbuach lafn hobn, kennen mir passend dazua an dreisprochign Blog starten (Südtiroler Dialekt / deutsch / italienisch).

Also, auf geats. I bin schun gschponnt, ob mir genuag Themen und Zeit finden, de Seit do zum Lafn zu bringen.