Moansch.net? - Blog aus Südtirol

Gebrauchte PolitikerInnen werdn ob und zua recycled. Oftramol kreagn sie an eigens gschoffenen Poschtn, oftramol versuachn sies nouamol mit der Politik. Genau von sou a Wiederauferstehung lesn mir seit geschtern in die Medien.

Wo i domols nou blauäugig an a Opferung Ihrer Person durch Silvio geglab hon, schreib die Dolomiten von geschtern von einer "taktisch-ästhetischer Operation"... also soviel i verschtea, hobn sie a Schönheitsoperation gmoant! Grott de Tag hon i irgendwo aufgschnoppet, dass a Gesichts-Straffung eigentlich a bsundere Ort der Persönlichkeits-Entfoltung (!) isch.

Ober vielleicht hon i den Ausdruck von der taktischen Operation a lei folsch verschtondn. I muaß zuagebn, dass i oftramol beschtimmte Begriffe durchanonderbring.

Wos mi freit, isch dass die Michaela in oltgewohnter Weise wieder auf sich aufmerksam mocht, z.B. in an Artikel in der Alto Adige:

Tutto era iniziato con la Svp pronta a vendersi e al momento opportuno sveleremo tutti i retroscena.
... blabla ...
Il partito di raccolta la smetta di portare avanti una politica soltanto etnica.

Es isch oanfoch schean zu wissn, dass es gewisse Konschtanten im Leben gib. A Du, liabe Michaela, kearsch eatz a wieder derzua. So gfolln mir z.B. folgende Zitate aus der heitign Dolomitn gonz bsunders:

Ich warte darauf, dass endlich eine Leitfigur in der SVP auftritt und sagt: Berlusconi und Biancofiore haben Recht, wir müssen Schluss machen mit dieser Volkstumspolitik.

und

Wir sind nicht gegen die Autonomie, sondern gegen diese ganz private Verwaltung der Autonomie, die nicht im Interesse der Bevölkerung ist.

Super, Michaela! Gonz guat hosch Du des gmocht. Und für Deinen Plan, ba die nägschten Wohln in die Londesregierung zu kemmen konn i Dir lei wünschn, ...

... weil sie mir gerade so ins Auge gestochen sind und weil das Bloggen grad so Spaß macht, möcht ich Euch diese Schlagzeilen und diverse Interpretationen dazu nicht vorenthalten:

• Wiener Anwalt kauft Südtiroler Magazin
  Aha? Tolle Schlagzeile. Ich hätte da auch eine: Frangarter Unternehmer tankt sein Auto voll. (oder) Bozner Arzt fährt mit der Bahn. (oder) Pusterer Politiker hält eine Rede.
  Erst beim genaueren Hinsehen geht einem ein Lichtlein auf: die FF wurde nämlich schon wieder aufgekauft!
• LR Laimer feuert Fernheizwerk Obereggen offiziell an
  Wieso? Ist er Fan des Fernheizwerkes? Feuert er das Fernheizwerk dazu an, Höchstleistungen zu bringen? Und inoffiziell ist er tifoso der Photovoltaik-Anlage in Val di Fiemme? Ach... das Feuer hat er angesteckt.
• Finanzpolizei zieht Bilanz
  OK, und wer kontrolliert die Bilanz der Finanzpolizei?

Schun sei a poor Tog sigg man ollm wieder Under-Cover-Werbung in insern hoaßgeliebten Sidtirouler Togesblattl, in dor Dolomiten. Und zwor werd do in der werten Leserschoft unterschwellig mitgetoalt, dass die Athesia-Druck die beschtn sein, weil eatz hobn sie a nuie 10-Forben-Maschin gekaft. Super, auf de Meldungen hot die Welt gwortet.

Geschtern hobn sie dem gonzen nou amol a Sahnehäubchen aufgsetzt und a redaktionelle Doppelseit ver(sch)wendet um über die Einweihung von der Maschin zu berichten.

Mamma mia! Leitlen, a wenns die längschte Maschin in Südtirol isch.... es wert öfter amol irgendwo inveschtiert... a ohne dass es glei in der Zeitung schtean muas. Mir persönlich zoag de Aktion und sellene, wia z.B. die vom Ebner persönlich aufn Brenner obn geretteten Hundelen (de er donn mit Gewinn verkaft hot und iber de donn a ibor Wochen groaßzigig in der Dolomiten berichtet gwurdn isch), dass die Athesia heit Ihre Interessn und Imageaufpolierungsaktionen net amol mehr unterschwellig unter die Leit brengen muas. De kennen sichs leischten des gonz offen(sichtlich) im redaktionelln Toal zu mochn.

Des Zitat muas i do für meine persönliche Chronik feschtholten. Und zwor isch de Aussog von an Kolleg von mir kemmen, und passt hundertprozentig. Es geat um Lieferantn bzw. Kommunikations-Dianschtleischter:

"Wichtig isch, dass mir konsequent bleibn. Sobold irgend a Kloanigkeit nimmer passt... ZAGG! Weck sein sie! Die ondern schtean schun in der Schlong."

Und i muas sogn, der Erfolg gib ihm recht!

EU-weit werd für die freie Wohl des Orztes gekämpft. Dass mir in Südtirol nou weit drvon entfernt sein, sogg mir a Briaf, den i de Woch gekreag hon. Und zwor hon i gwöllt mein Hausorzt wechseln. Mein olter isch in Koltern, wo i aufgwochsn bin. I hon göllt zun Hausorzt von meiner Freindin (mir wohnen in St. Pauls) wechseln, der ober inzwischen in Andrian isch. Er hot mir sou an notwendign Wisch gschriebn, dass er mi dechtersch aufnemmen tat, a wenn i net in sein Einzugsgebiet bin. Do gibs ober nou sou a Kommission de do scheinbor eppes zu sogen hot, und de hot des obglehnt. Guat, eigentlich isch mir des wurscht... ober irgendwia fühl i mi do schun eingschränkt in meiner Freiheit.

Wos gibs schunsch nou? Ah... dor Luis will die Poscht selber austrogn. Typisch: ba ins muas olls vom Lond kontrolliert werdn. Obwohl in den Foll war i lei derfir. Es kennts enk net vorstölln, wia oft i Einlodungen per Poscht kreag, wo es Event schun vorbei isch. Oder der Klassiker: die Mohnung kimp vor der Rechnung. Es isch ba ins in Frongort a schun firkemmen, dass die Poscht gsogg hot: "In die nägschten zwoa Wochn meaßts enkere Poscht selber oholn, weil insere Poschter sein in Urlaub!" - Jo... suuuper. Danke. Und derfir zohln mir ins tumm und teppet mit die Briafmarken. Zum Grausn isch des!

Ober gleich. Nor hon i nou glesn, dass der Silvio eatz a die Telecom Italia kafn will. Bravo. Sell tat zu ihm passn. Soll er glei die Poscht mitkafn, donn hatn mir frisch klore Verhältnisse. Und die Dianschtleischtungsqualität von de boaden Unternemmen passt eh zommen.

Ajo, donn sein sie nou draufkemmen, dass Südtirol net in Amerika isch. Ober sell hat i immene a sogn kennt, Südtirol ligg jo in Bayern!

Dass Südtirol schean isch, des wissn net lei insere Marketingverontwortlichen oder insere Gescht. Na, des wissn a mir Südtiroler. Oftramol wern mor von der Scheanmolerei in der Tourismuswerbung a bissele fruschtriert, wos bon oan oder ondern a amol interessante Reaktionen ausser bring.

Geschtern isch mir a kurzer Link in meiner Mailbox glondet. Den will i enk net vorentholten:

www.suedtirol-ist-schoen.eu

Interessante Perschpektivn. Für sich alloan gsechn isch des schun a bissele Schworzmolerei. Ober de Bilder sein Realität. Wenn mir ins überlegn, wos mir in insere Gescht eigentlich verkafn, sollatn mir oftramol übers oane oder ondere Projekt nouamol genauer nochdenken, bevor mir tonnenweise Beton in insere Londschoft giaßn.

I bin gschponnt, welche Reaktionen des Projekt hervorrufen werd.