Moansch.net? - Blog aus Südtirol

Übrigens, in den letzten Tagen hatte ich das Vergnügen mit Freunden das Cineplexx Bozen besuchen zu dürfen. Kann ich nur weiterempfehlen. Es gibt zwar noch organisatorische Schwierigkeiten (bitte besetzt die Kasse und die Popcorn-Buld mit mehr Leuten!!!), aber insgesamt war es ein tolles Erlebnis.

Ich werds sicher wiederholen! (Danke Stephan schon mal im Voraus für die Einladung )

Na, i moan net in Silvio, der ausn G8-Gipfel a Kreuzfohrt mochn will, oder oan von de Schpezialischten, de von ins olle die Fingerobdrücke nemmen wölln. I will a net ibor irgendwelche Bonzen von inserer geliebten und gehossten Partei herziachn.

Na, heit isch in Bozen wirklich a Hirsch durch die Oltstodt Amok gloffn. Super sein die Bilder auf der rechtn Seit vom Artikl, de i do gleich nouamol direkt verlink: Bild1 - Bild2 - Bild3 (ibrigens von mir aus es bärigschte)

De Fotos hot scheinbor jemand von sixgroup.com gmocht, und hot sich damit a an Link verdeant. Do isch er: Sixgroup - Webdesign Südtirol

Wos do seit der Eröffnung vom Museion olaft, mocht mi schun a bissele nochdenklich. Dass sich der oane oder ondere zum Thema "entwürdigender Frosch" äußern muas, isch mir schun klor und sell isch a guat so. Die Grenz zwischen "künschtlerischer Freiheit" und "(entwürdigende) Geschmocklosigkeit" isch bekonntlich fließend... ober dass der Frosch glei sou an Aufruhr ausleast... und eatz solls a nou a "Maßnahmen-Paket für den Frosch" gebn. (wos a ollm sell hoasn soll)

Wia man auf stol.it lesen konn, sein 35 Mio. Boazner in Liechtenstein gfundn gwurdn. Und zwor 35 Mio. schworze Boazner Euros. Dor Besitzer soll der stol.it-Redaktion bekonnt sein. I glab, es gib ober net viele Boazner Unternemmer, de do in Frog kemmen! I bin gschponnt, ob dor Nomen von den Unternemmer irgendwenn in die Medien auftauchen werd.

Update: Wia i grott gsechn hon, hot stol.it in Artikel geupdated und in Nomen veröffentlicht. A gewisser "Anton Pichler" soll der glückliche unglückliche Besitzer von die Euronen sein (koane Ohnung wer der sein soll). I muas ehrlich sogn, i het auf an ondern Nomen getippet!