Moansch.net? - Blog aus Südtirol

Höchschte Zeit sogor.

Obwohl i ollm schun a Fan von Linux wor, wor des mit dem Dualboot net es Wohre. Man isch decht ollm ban orbeten, hot koane Zeit zum Ummerschpieln und schtartet nor holt wia schun die gonzen Johr dovor sein Windows. Weil mans oanfoch gwehnt isch und weil zem oan, zwoa Programmelen installiert sein, de man olle Woch oanmol braucht, und de es für Linux net gib. Und weil man zu gemiatlich isch, sich umzugwehnen.

Des isch eatz vorbei. Koan Dualboot mehr. Lei Ubuntu... mit Windows in der VirtualBox (ober koan Dualboot!!). Und i muas sogn... Ubuntu rockt (i sog lei compiz). Wenns a nou zwoa, drei Kloanigkeiten gib, de i nou zu lösen hon, bin i froa, endlich den Schritt gmocht zu hobn. Eatz konn i nimmer so leicht zrugg... (also koane fauln Ausredn mehr)