Guate Nocht scheane Gegend!

In erschten Moment hon is net glaben gwöllt. Ober donn hon i mit der zuständigen Person ba der Provinz telefoniert, de mir bestätigt hot, dass des ernst gemoant isch. Es Omt 36.1 überprüft noch Eingobe eines (nicht genannten) Mitbewerbers, ob mir Portalbetreiber net measatn im Verzeichnis der Reisebüros gelischtet sein. Weil mir scheinbor mit Links auf die Homepages von die Hotels Reisen bzw. Aufenthalte vermitteln. (???) In erschten Moment isch mir schun es Mandl a wian gschtiegn, net wegnen Lond. Die Leit ban Lond tean Ihre Pflicht... und es Telefonat isch dementsprechend a ongenehm und produktiv verloffn.

Viel mehr örgerts mi, dass sich scheinbor der Umgongston in der Branche zu ändern scheint. I find des lächerlich, do werd olleweil mehr destruktiv georbeitet. Anstott dass sich die Leit drauf konzentrieren tatn, ihr eigenes Produkt zu verbessern und weiterzubrengen, geats scheinbor olleweil öfter drum, in ondere Schtoan in die Weg zu legn. I glab fescht dron, dass folgender Spruch 100%ig zuatrifft: "Wia man in Wold einischreit, sou kimps a zrugg." Wenn der Umgongston sich weiter in de Richtung entwickelt... na zem gute Nocht scheane Gegend!

Über den spezielln Foll do moch i mir ibrigens koane Sorgn, wer es zitierte Gesetz genau lest, und a die Interpunktion genaueschtens berücksichtigt, der woas, dass des ba ins net greift. Obgsechn dovon, dass es widersprechende EU-Richtlinien gib.

Interessantes Detail am Rande: Des zitierte Gesetz scheint lei für Firmen zu gelten, de in Sitz in Südtirol hobn. Olle im Trentino, in Tirol oder schunsch irgendwo, betrifft des net. Pfff. Der oane oder ondere von meine Morktbegleiter (mir hobn ins logisch kurz beroten) ziag schun in Erwägung sein Firmensitz aus Südtirol aussi zu verlegen. I glab sell waret net die Obsicht von dem Gesetz do. Oder?

Ober najo. Nor hobn mir holt wieder eppes zu bloggn!

In dem Sinne: An guatn Rutsch in olle!