A Wohlversprechn?

A sette Einlodung hon i a kreag:

Man beochte den kloanen dezenten Hinweis rechts oben. Do steat unter der Fotomontage, mit der schun seit Monaten a mögliche Variante von dr Iberetscher Bohn in die Medien gezoag werd, in kloaner Schrift:

Weichenstellung für die Zukunft

Also net: "Weichen stellen für die Zukunft", sondern "Weichenstellung". Also sein die Weichen schun gschtöllt. Fir mi isch des a Wohlversprechen, vor ollem wenn man bedenkt, dass im Lanserhaus, wo de Wohlversommlung (ba der man de Aussoge hegschtwohrscheinlich relativieren werd) schtottfindet, sicher lei 10% oder weaniger von die Leit einipassn, de de Einlodung kreag hobn. Fir die ondern bleib de Aussoge sou im Raum schtean.

OK, man muas fairerweise derzuasogn, dass de Einlodung von der Ortsgruppe Eppan kimp, de logisch greaschtes Interesse an der Iberetscher Bohn und an an gewissen Druck fir insere SVP-Londesvertreter vor die Wohln hobn. Ober sell isch mir wurscht.

Fir mi isch des a Wohlversprechn! Und meine liebe SVP... i, der Blog do und es Netz überhaupt, mir vergessn net sou schnell. Beweists ins, dass des Versprechn do net lei a laare Floschkl wor! Entteischts ins net!