Dor Wohlkompf im Web

Moansch.net? - Blog aus Südtirol

Dor Wohlkompf im Web

Sep 18

Mir measn bold wähln gean. Desmol isch es fir mi richtig interessant in Wohlkompf zu beobochten, weil sich huier viel im Web ospielt. Zwoa relevante Seitn zu die Londtogswohln 2008 mechat i enk kurz vorstölln:

wahlkabine.it

Zuerscht hon i mir gedenkt: "Jojo, schun wieder eppes vom Südtiroler Jugendring um in die Zeitung bzw. Fernsehen zu kemmen". Ober donn honn is geschtern durchschpielt. Wos mir zu denken geben hot, isch dass ba mein gonz persönlichen Ergebnis die SVP ersch an fünfter (oder sechster?) Stelle wor. Hmmm... i gibs gonz offn zua: an erschter Stelle wor der Partito Democratico.

Ober Achtung! Unobhängig von die gschtölltn Frogn, stimm i net gonz 100%ig mit den Ergebnis überein. (i gschpier neben meiner Übereinstimmung mit dem Partito Democratico und der SVP a a bissele Südtiroler Freiheit in mir) Also des Ergebnis tat i net oanfoch sou hinnemmen. Viel interessanter isch aus meiner Sicht, dass man nochn durchspieln von die Frogn, und nochn onschaugn von die Ergebnisse, die Ontworten und Kommentare von die oanzelnen Parteien im Detail onschaugn konn. Die sell Zeit wer i mir sicher nemmen! :-)

Also: www.wahlkabine.it


quakblog.blogspot.com

Hmmm.... gonz interessant. Mit viel Aufwond werd do die Frosch-Debatte aufgfrischt. Teilweise luschtig, vor ollem zu sechn wiaviel Zeit in den Bledsinn inveschtiert gwurdn isch. Sogor Frosch-Filme sein do zu sechn, mit professionellen Kameras aufgnummen.

Wer hinter dem Blog steckt honn i net aussergekreag. Update: OK, Kollege Ander hot mi drauf aufmerksom gmocht, dass i die Sochn genauer recherchieren soll. Die Videos werdn von www.michilcosta.net gloden. Also zu 100% anonym isch des gonze net. Ober dass es sich um a Guerilla-Aktion im Wohlkompf hondelt, isch ziemlich wohrscheinlich. Eatz frog i mi lei, welchen Interessen (also welcher Partei) de Aktion von Nutzen sein konn. Wia a ollm... es isch interessant zu sechn, dass sich sette Aktionen eatz a im Web ospieln

Also: quakblog.blogspot.com



Trackbacks
Trackback specific URI for this entry

A Wohlversprechn?
Vor die Wohln geats ollm rund, im Web ober a sunscht. Do werdn Werbeschilder aufgstöllt, wo eigentlich koane schtean terfatn, do werd die Poschtini sou mit Proschpekte in olle Forbn schtrapaziert, dass die normale Poscht olleweil schpäter kimp, und do wer
Weblog: Moansch.net? - Blog aus Südtirol
Tracked: Sep 29, 21:34

8 Comments
Display comments as (Linear | Threaded)

quak fan

Saturday, September 20. 2008 at 20:39 (Reply)

hon in HTML Text nichts gfundn....
I glab des isch die Eva Klotz (Durnwalder Brief... Südtiroler Freiheit....)

Quak we trast you!

Christian

Monday, September 22. 2008 at 11:10 (Link) (Reply)

A jo schaug. Eatz sein die Spuren verwischt gwurdn. Ober i und mehrere Kollegen aus der Branche kennen bezeign (bezeugen), dass de Verbindung zu michilcosta.net bestonden hot. Mi wunder lei, dass des do anonym olafn muas... des tat jo perfekt passn und potentielle Wähler onsprechn. Moansch.net?

Hanspeda

Monday, September 22. 2008 at 12:34 (Reply)

i loch mi hin.

Klassicher Fall von "I will do gscheidigschte sein aber nicht bis zum Schluß gedacht"

Alber

Monday, September 22. 2008 at 20:39 (Reply)

i loch mi hin.
Klassicher Fall von "I will do gscheidigschte sein aber nicht bis zum Schluß gedacht"
Ich glaube nicht dass man auf diese Sachen achten muss, finde man muss auf die Aktion schauen, die jemand zeigen will, dann liegt es an jedem selber ob es ihm gefällt oder nicht..
im Quellentext nachschauen und solche -Fehler- zu kritisieren finde ich eher kindisch! ..Mit vollem Respekt!
Albert

luky

Monday, September 22. 2008 at 16:06 (Reply)

i hon no a interessante entdeckt
www.wahlen2008.it

Christian

Monday, September 22. 2008 at 16:33 (Link) (Reply)

Jo, es stol.it-Wahlportal. Schaug guat aus (wenigschtens aufn erschten Blick).

Ober unter uns gsogg: Oaner der wichtigschten Gründe, wieso i gonz stork dron zweifl SVP zu wähln, isch der Capo von dr Athesia. Weil de Ebner-SVP-Connection de gfollt mir überhaup net. Beschtes Beispiel isch die zu Toge gelegte Arroganz ba dr Hondelkommer-Präsidenten-Wohl, Stichwort: Athesia Aktionäreverzeichnis.
Nou a guats Beispiel findesch do: http://moansch.net/archives/2008/04/16/Epper-a-Parteiblattl.html

I find des zum Kotzn! Des schodet aus meiner Sicht der SVP mehr als es nutzt.

Und zem nor dron zu glabn, dass stol.it neutral berichtet... sell isch aus meinem Blickwinkel a bissele zu viel verlong.

luky

Tuesday, September 23. 2008 at 14:07 (Reply)

Wos mir komisch firkimp, dass af den wohlportal von stol koan oanziger SVPler zu a Frog stellungnimmp, bzw. bei die SVP Kandidaten findech lei "keine Angabe". Keine Ahnung wos sel zu bedeitn hot,

Christian

Tuesday, September 23. 2008 at 14:24 (Link) (Reply)

Wirklich? Vielleicht fahlt nou es OK vom Michl? ;-)

Add Comment

Enclosing asterisks marks text as bold (*word*), underscore are made via _word_.
Standard emoticons like :-) and ;-) are converted to images.
E-Mail addresses will not be displayed and will only be used for E-Mail notifications

To prevent automated Bots from commentspamming, please enter the string you see in the image below in the appropriate input box. Your comment will only be submitted if the strings match. Please ensure that your browser supports and accepts cookies, or your comment cannot be verified correctly.
CAPTCHA

 
 
 
 

Wer schteckt hintr moansch.net?

my avatar

Ba moansch.net schreibn mehrere Leitlen mit. Wenns genau wissn wöllts wer, donn schaugs amol in Impressum eini. Weiterlesen arrow