Castlecamp 2008 in Zell am See - Kaprun

Moansch.net? - Blog aus Südtirol

Castlecamp 2008 in Zell am See - Kaprun

Sep 15

Des Wochenende sein mir noch Kaprun gfohrn, um ban Castlecamp Nuis zu derfrogn, zu dischkutiern und a netts Wochenende zu erleben. Kurz zommengfosst: es wor genial. Locker ober decht professionell, die Organisation wor oans-A, es Ambiente sowieso. I bin voll begeischtert und es werds mi ba der Veronschtoltung nimmer los werdn. :-)

Olle hobn sie iber Social Media Marketing, iber Facebook und sunschtige Social Networks, über User Generated Content und Web 2.0 etc. gredet, wobei der Schwarpunkt logisch aufn Tourismus glegn isch. Super wor, dass sich (glabi i) lei zwoa vorgedräng hobn um a Produktpräsentation zu mochn. Die ondern Sessions worn mehr oder weaniger lei informativ (also ohne aufdringlich-kommerziellen Hintergrund) und vor ollem interaktiv. Es wor meischtns mehr Dischkussionsgruppen als Vorträge.

Ob und zua isch mir firkemmen, dass der oane oder ondere schun zu tiaf in die Welt der Social Networks und Blogs eingetaucht isch und a bissele Sicht in Bezug zum "First Life" verlorn hot. So hobn z.B. olle einstimmig über "Fangruppen" für Destinationen in Facebook gschwärmt. Bol i ober a bissele in Advocatus diaboli gschpielt und gonz konkret gfrogg hon wos es Social Media Marketing heit (obgsechn von die Vorteile in der SEO) für Vorteile für Destinationen und touristische Leistungsträger bring, hot mir koaner sou recht a Ontwort bzw. irgendwelche Erfolgszohlen gebn kennen. Do isch eher kemmen: "Du wirst schon sehen, in 5 Jahren geht es nicht mehr ohne." Jo... ok. Ober sell hobn z.B. de von letsbuyit.com in die goldenen Johre a gsogg. (Ba der Gelegenheit bin i eatz draufkemmen, dass letsbuit.com wiederbeleb werdn soll. Wenn sel amol koan beaßes Omen isch! ;-) )

Ober i will do eatz net es Web 2.0 letz mochn. Es isch super und werd sicher wirklich (!) nuie Ortn der Kommunikation durchsetzn. Ober Leitlen, ba oller Begeischterung: bleibn mir a bissele aufn Bodn.

Oaner hot mi ba der Veronschtoltung bsunders beeindruckt: dor Uwe von tripsbytips.com. Der hot mir in Eindruck gmocht, dass er sich wirklich konkret Gedonken mocht über die Bedürfnisse und Motivationen von die Leit. Sein Vortrog und seine Beiträge in der Dischkussion woren olle fundiert und guat durchdocht. I glab, der werds nou wirklich, also wirklich weit brengen!

Und a die Leitlen von tourismuszukunft.de... de Burschen sein wirklich auf Zack! :-)

Ach... bevor is vergiss. Aus Südtirol wor mein Kolleg der Edgar, donn dor Manfred Trienbacher, dor Hanspeda somp Schwester Evelin und der Stefan Plaschke drausn. (die Irene wor a zem, ober sie zählt zu die Solzburger)

Es wor mir ibrigens a Vergnign, in der Somstig-Obend Somstig-Nocht-Session zu sechn wia die Puschterer ban Feiern onholten. Hanspeda, Komplimente. Net letz. I frei mi schun aufn 2. Web-Marketing Schtommtisch!

Auf jedn Foll konn i es Castlecamp jedem aus der Branche ans Herz legn. Nägschtes Johr bin i sicher mit derbei. Und vorher bin i sicher a ban Tourismuscamp in Eichstätt im Jänner.


Trackbacks
Trackback specific URI for this entry

Erfahrungsbericht: Das iPhone 3G mit Ubuntu-Linux
Das iPhone. Ich liebe es und ich hasse es.Ich liebe es, da man damit endlich wirklich (also wirklich) mobil browsen kann und da es ein cooles durchdachtes User Interface hat. Ich liebe es genug, um es in eine hässliche Schutzhülle zu stecken, um es vor al
Weblog: Moansch.net? - Blog aus Südtirol
Tracked: Sep 16, 01:17
Tourismuscamp 2009
Am 24. und 25. Jänner findet das Tourismuscamp 2009 in Eichstätt statt. Ich freu mich schon richtig drauf. Letztes Jahr war ich zwar nicht dort, aber ich konnte die Barcamp-Luft schon im Castlecamp in Zell am See - Kaprun schnuppern. Und es war super! Z
Weblog: Moansch.net? - Blog aus Südtirol
Tracked: Jan 05, 20:46

4 Comments
Display comments as (Linear | Threaded)

KWentin

Tuesday, September 16. 2008 at 09:11 (Link) (Reply)

hey, i konns auch als kärntner entziffern, ole ole :-)

Gregor

Tuesday, September 16. 2008 at 16:48 (Link) (Reply)

Genauso seg i des a! Sehr informativ, oba füan Tourismus manchmal a bissl an da Realität voabei.

Auf jeden Fall werd i a in Eichstätt dabei sei.

Übrigens Respekt an de Südtiroler Jungs Samstag Nacht - fast wia echte Bayern....

evelin

Wednesday, September 17. 2008 at 13:14 (Link) (Reply)

christian, wir sehen uns in eichenstätt und vielleicht vorher bei eimem camp im pusterttal, uns schwebt der 9.12.2008 vor, mir holtn die auf laufenden. musch holt in puschtertol übernochtn, weil du wasch die diskussionen ziehen sich a bissl in die länge :-)

Christian

Wednesday, September 17. 2008 at 13:39 (Link) (Reply)

Jo Evelin, werd sicher luschtig in Echstätt. Und logisch tats mi a frein, wenn im Puschtertol eppes organisiert werd... bzw. wenn a semiprofessionelle Touristiker sou wia i einglodn werdn! :-)
Wegen der Übernochtung kenn i do a guats Hotel am Kronplotz. Vielleicht isch zem nou a Zimmer frei?

Add Comment

Enclosing asterisks marks text as bold (*word*), underscore are made via _word_.
Standard emoticons like :-) and ;-) are converted to images.
E-Mail addresses will not be displayed and will only be used for E-Mail notifications

To prevent automated Bots from commentspamming, please enter the string you see in the image below in the appropriate input box. Your comment will only be submitted if the strings match. Please ensure that your browser supports and accepts cookies, or your comment cannot be verified correctly.
CAPTCHA

 
 
 
 

Wer schteckt hintr moansch.net?

my avatar

Ba moansch.net schreibn mehrere Leitlen mit. Wenns genau wissn wöllts wer, donn schaugs amol in Impressum eini. Weiterlesen arrow