Sei kein Frosch

Moansch.net? - Blog aus Südtirol

Sei kein Frosch

Jun 3

Wos do seit der Eröffnung vom Museion olaft, mocht mi schun a bissele nochdenklich. Dass sich der oane oder ondere zum Thema "entwürdigender Frosch" äußern muas, isch mir schun klor und sell isch a guat so. Die Grenz zwischen "künschtlerischer Freiheit" und "(entwürdigende) Geschmocklosigkeit" isch bekonntlich fließend... ober dass der Frosch glei sou an Aufruhr ausleast... und eatz solls a nou a "Maßnahmen-Paket für den Frosch" gebn. (wos a ollm sell hoasn soll)

Irgendwia erinnert mi des Gonze an die Mohammed-Karikaturen vor zwoa Johr. A die sem sein bedenklich gwesn und hobn unerwortet radikale (und leider tragische) Reaktionen ausgleast. Mir Obendländer hobn ins über die "Intoleranz und Radikalität der Moslems" gwundert und hobn insere Pressefreiheit gepriesen. Obor wia weit sein mir dovon entfernt? Wenn i mi recht erinnor, hot ba dor sem Gschicht domols a iranische Zeitung mit an "Holocaust-Karikatur-Wettbewerb" gezoag, dass es a in inserer weschtlichn Welt Tabus gib, de oanfoch net gebrochn werdn terfn.

Bitte verschteats mit net folsch. Aus meiner Sicht isch des olls geschmocklos: sowohl dor Frosch, als a die Mohammed-Karikaturen und vor ollem die Holocaust-Karikaturen. Obor wer leg fescht, wo genau die Grenz isch, de net überschrittn werdn terf? Wer setzt die Moßschtäbe?

Vielleicht solletn mir oanfoch öfter amol versuachn die Perspektive zu wechseln... nor schaugetn viele Sochn auf oanmol gonz ondersch aus. Oder? Moansch.net?

P.S.: Der "Bad news are good news"-Trick vom Museion isch ober voll aufgongen. De hobn sogor auf moansch.net an Link gekreag! ;-)


Trackbacks
Trackback specific URI for this entry

Dor Wohlkompf im Web
Mir measn bold wähln gean. Desmol isch es fir mi richtig interessant in Wohlkompf zu beobochten, weil sich huier viel im Web ospielt. Zwoa relevante Seitn zu die Londtogswohln 2008 mechat i enk kurz vorstölln:wahlkabine.itZuerscht hon i mir gedenkt: &quot
Weblog: Moansch.net? - Blog aus Südtirol
Tracked: Sep 18, 12:24

3 Comments
Display comments as (Linear | Threaded)

Herbert

Wednesday, June 4. 2008 at 13:15 (Reply)

Do werd oan jo gonz schwindlig, wenn mon de tägliche kilometerlange Leserbrief-Seite in der Dolomiten sig ...

Christian

Wednesday, June 4. 2008 at 16:04 (Link) (Reply)

Jo... auf brennerbasisdemokratie sein a haufenweise Kommentare: http://www.brennerbasisdemokratie.eu/?p=1213

Pfieti
Christian

Benny

Friday, June 6. 2008 at 14:10 (Link) (Reply)

Obo zumindescht beschwert sich niamand mear über die nutzlose und teure Bruggn de sie hingebaut hoben.
Geschweige von Gesompreis fan Projekt also man sig nit lei "Bad news are good news" sondern Öffentlichkeit manipulieren auf höchstem Niveau!

Grüsse Benny

Add Comment

Enclosing asterisks marks text as bold (*word*), underscore are made via _word_.
Standard emoticons like :-) and ;-) are converted to images.
E-Mail addresses will not be displayed and will only be used for E-Mail notifications

To prevent automated Bots from commentspamming, please enter the string you see in the image below in the appropriate input box. Your comment will only be submitted if the strings match. Please ensure that your browser supports and accepts cookies, or your comment cannot be verified correctly.
CAPTCHA

 
 
 
 

Wer schteckt hintr moansch.net?

my avatar

Ba moansch.net schreibn mehrere Leitlen mit. Wenns genau wissn wöllts wer, donn schaugs amol in Impressum eini. Weiterlesen arrow