Dialekt in Kaltern (1)

Moansch.net? - Blog aus Südtirol

Dialekt in Kaltern (1)

Feb 17

Nachdem im Gemeindeblatt von Eppan und Kaltern öfters der originale Kalterer Dialekt eine Spalte Platz bekommen hatte, möchte ich Euch diesen nicht vorenthalten. Aber lest selbst (ab hier gehts in Dialekt weiter):
In Gemeindeblattl vom 16. März 2007 hots do an Beitrog gebn: "Echt kåltrerisch - die Sprache unserer Väter"

Mir hot der gonz guat gfolln, weil i zuagebn muas, dass i net olle Wörter gekennt hon. (und i waret a gebirtiger Kolterer!) Die Wörter sein aus dor Filmvorführung "Franz Renner erzählt aus alten Zeiten". Dor Franz Renner isch Johrgong 1924, und hot viel zu derzehln. In Film hot Albert Atz gmocht.

Bétala - Rebmesser, Reber
Brat - Wurstfleisch
Chríschtnwürger - geröstete Speisereste vom Tag vorher
Fuatràschi - Abmachung zur Fütterung einer Kuh
Gagrígla - starkes Husten
Grischer - kleiner grauer Esel
Greanpàmpala - Erkältungskur
Gschund - harte Arbeit
Hax - Fuß
Knoschp - Holzschuh, grober ungeschickter Mann
Kåtzngschroa - saures Rindfleisch
Maiàtscha - mit Eier geröstetes Brot
Menàsch - Essen, Verpflegung
Òansberger - Nonsberger
Påzèidn - dreieckiges Schöpfgefäß für die Maische
Pråschglt - Maische
Ries - Gleitrinne im Berg zum Herablassen von Baumstämmen
Schnurfer - Rucksack
Schtietz - Fuß
Schtruzer - Hausmetzger bei Winterschlachtungen
Schtúmpfsacklen - Socken
Schtúndknialer - Personen, die eine Stunde vor dem Allerheiligsten Anbetung halten
Schúehfetzn - um den Fuß gebundene Stofffetzen anstelle der Socken
Tëichat - Dekan
Tròad - Getreide
Trúmpfportn - Triumphpforte aus Fichten-, Tannenzweigen
Tumet - Stallmist
Túrmbuabn - Glöckner
Tschilln - Deckblätter des Maiskolbens
Tschíngala - kurzer Strick
Vurvolàri- Hauskuchen, Guglhupf
a Míala måchn - unfreundliches, verdrießliches Gesicht machen
a prëischa - ein wenig
afn Ówet - am Abend
dråftr - nachher
góschn - maulen, zurückreden
ibrhàps årbeitn - im Akkord arbeiten
ibrò - hinunter
mëinen - beim Pflügen den Ochs/das Ross führen
òklockn - abhauen
wòtschelen - Boccia spielen
zótet - fertig geknetet (Wurstfleisch)

Wia gsogg, olle Wörter hon i a net gekennt. War a koan Wundor: wer hotn heit nou mit Esel und Ochsn zu tean... obwohl... in Grischer hobn sie mi frier als kloanen Bua oft ghoasn! ;-)

Wohrscheinlich isch es enk a aufgfolln, dass sich do jemand die Mühe gmocht hot, die Wörter korrekt mit Akzente, Akute etc. zu schreibn. Bittschean trogs mir net noch, wenn i sell normalerweis net tua, ober i mechat do oanfoch schreibn wia mir die Gosch gwochsn isch, ohne die Finger dorbei zu verschtauchn! :-)

Auf jeden Foll werds a die Fortsetzung von den do gebn, und wer woas, vielleicht schtöllt uns jemand in Film zur Verfügung, so dass mir in semm online schtölln kennen!


Trackbacks
Trackback specific URI for this entry

Dialekt in Kaltern (2)
Dor Südtiroler Dialekt hot sou seine Eigenheiten. I getrau mi foscht zu behauptn, dass net a jeder Traminer die Puschterer verschteat und umgekehrt. Deswegn sig is ollm gern, wenn die Leit ihre Muaterschproch sou feschtholten, wia sie sie glernt hobn. Die
Weblog: Moansch.net? - Blog aus Südtirol
Tracked: Mar 01, 16:01
Dialekt in Kaltern (3)
Schun es dritte Mol kopier i frech aus unsern (insern ) Gemeindeblattl, wia schun ban erschten und ban zweiten Mol. Desmol hot der Verein für Kultur- und Heimatpflege mitanonder mit die "Gewährspersonen" Franz Renner und Kurat Heinrich Dichrist
Weblog: Moansch.net? - Blog aus Südtirol
Tracked: Apr 12, 02:29

1 Comment
Display comments as (Linear | Threaded)

Ralf W.

Monday, March 24. 2008 at 17:40 (Reply)

Ner amol einagspecht vo Nordbayern her (niat daßts enk frougts, wos des fir a sidtiroler Dialekt saa kannt :-).

I schauma gern amol Dialektwerterlistn asn gaonzn boarischn Sprouchraum ao. Intressant hans ollamol. Des mit de Strichala und Ringala is ma dou recht, wal i mecht schou gern wissn, wej des und söll genau assprocha wird. Sölwer moumas jao niat schreim.

Add Comment

Enclosing asterisks marks text as bold (*word*), underscore are made via _word_.
Standard emoticons like :-) and ;-) are converted to images.
E-Mail addresses will not be displayed and will only be used for E-Mail notifications

To prevent automated Bots from commentspamming, please enter the string you see in the image below in the appropriate input box. Your comment will only be submitted if the strings match. Please ensure that your browser supports and accepts cookies, or your comment cannot be verified correctly.
CAPTCHA

 
 
 
 

Wer schteckt hintr moansch.net?

my avatar

Ba moansch.net schreibn mehrere Leitlen mit. Wenns genau wissn wöllts wer, donn schaugs amol in Impressum eini. Weiterlesen arrow