Nordtiroler Dialeckt

Moansch.net? - Blog aus Südtirol

Nordtiroler Dialeckt

Jan 1

Kenner von die bairischn Slangs kennen nochn erschtn Sotz an Nordtiroler (Nordtirouler) von an Südtiroler (Sidtirouler) vanont. Dor wichtigschte Unterschied vom Sidtirouler Dialekt und vom Nordtirouler Dialeckt lig in dor Ausschproch vom K. Und zwor scheinen die Nordtirouler koan K zu hobn, ba immene gibs lei es CK.

Schaugs enk de Videos von Stermann & Grissemann on. Es werds schmunzeln, net lei wegnen Dialeckt. De zwo hobn an bissl an deftign Humor und tean gern die Nazis a bissele moanen (wobei sie oft a gfahrlich nechnt an dor Grenz zur Geschmocklosigkeit sein).

Ober wos red i do - oanfoch onschaugn, und Tiroler Dialeckt geniessen:

Alpenzoo-Ckataschtrophe



Ckoan Schnea -> Amocklafn



Ckufschteiner Ckonditor

Bookmark Nordtiroler Dialeckt at del.icio.us Digg Nordtiroler Dialeckt Technorati Nordtiroler Dialeckt wong it!


Trackbacks
Trackback specific URI for this entry

No Trackbacks

2 Comments
Display comments as (Linear | Threaded)

Roland

Wednesday, January 2. 2008 at 12:46 (Reply)

Jessas na, de Videos san schun a wengerl arg, obar trotzdem hon i bei de Stickerl vom Kufstoaner Konditor und vom Olpenzoo schmunzeln miassn ;-)
Der Dialekt vom Grissemann Christoph heart se fir mi (aus Oberbayern) wirkli
onderscht/(net aso) tirolerisch o wia i's aus Sidtirol kenn, obar es werd gwiis aa in Nordtiroul unterschiedli gredt wern. In Mittenwold bei Garmisch werd z.B. aa a tirouler (nordtiroler) dialekt gsprochn wia ma's a enterholb da Tiroler Grenz heart. A kloane Sprochprobe konn ma si auf
http://www.staff.uni-marburg.de/~naeser/57-Mittenwald1936.mp3
ohearn.
Pfiat Gott, Roland

Roland

Thursday, January 3. 2008 at 16:44 (Reply)

A Kloanigkeit is ma no aufgfoin beim Dialekt von dene zwoa Mander.
Aa der nordtiroler Grissemann red mehrer a Mischung aus hochdeitsch und
Dialekt. Er sogt "Griaß enk" obar sinscht "eich", "geht ja nicht um mich heute", Glück und nachher Glickch ... Es kimmt ma fast a bisserl so fir wia wenn
der Grissemann grod fir de Videos versuacht meglichst tiroulerisch z'redn
obar sinscht mehrer hochdeitsch redt.
Da Dirk Stermann aus Duisburg hots tirolerische bei "Koan Schnea"
obar scho relativ guat hibrocht.
Pfiat Gott, Roland

Add Comment

Enclosing asterisks marks text as bold (*word*), underscore are made via _word_.
Standard emoticons like :-) and ;-) are converted to images.

To prevent automated Bots from commentspamming, please enter the string you see in the image below in the appropriate input box. Your comment will only be submitted if the strings match. Please ensure that your browser supports and accepts cookies, or your comment cannot be verified correctly.
CAPTCHA

 
 
 
 

Wer schteckt hintr moansch.net?

my avatar

Ba moansch.net schreibn mehrere Leitlen mit. Wenns genau wissn wöllts wer, donn schaugs amol in Impressum eini. Weiterlesen arrow