A Tram isch foscht wohr gwurdn

Moansch.net? - Blog aus Südtirol

A Tram isch foscht wohr gwurdn

Oct 2


Wer mi kennt, woaß dass i ollm schun von an Onruaf von Google getramp hon. I hon mir des a sou vorgschtöllt, dass mi entweder dor Larry oder dor Sergey onriafn und sogn: "Christian, des hosch guat gmocht, mir tat Dir gern XX* EUR biatn, damit mir in Deine Firma einsteign kennen." ;-)

* Bitte denkts enk stott XX oanfoch a interessante Summe, bevorzugterweise ob 6 Stelln vorm Komma! ;-)

Jo, guat. Man hot holt so seine Träume.

Heit isch der Tram (foscht) wohr gwurdn.


Google hot mi ummene zwölfe ongruafn! Jo, Google!

Leider net der Larry, net der Sergey und a schunsch niamand, der eppes zu sogn hot. Dor Matteo, a Telefonmarketer wors. Google will also net einsteign, sondern eppes verkafn.

Schod eigentlich! ;-)

Mi wunderts ober schun, dass de mittlerweile zu sette banale Mittel greifn meaßn. Telefonmarketing... pfff. Bo mir hot Google ollm nou an Kult-Status. Zwoa Typn, mit a guater Idee, de gleichzeitig wia i ongfongen hobn (jo, gleichzeitig wia i... sie sein holt bis eatz a "bissele" weiter kemmen), de oanfoch a guats Produkt gmocht hobn, und irgendwenn in richtign Draner gfundn hobn um des Gonze zu vergoldn. Ghoasn hots ollm (freies Zitat):

Mir inveschtiern nix in Werbung (und Verkauf). Mir sein oanfoch so guat, dass die Leit (User und Werbende) koane wirkliche Alternative nebn ins hobn.

Und eatz: Telefonmarketing! Und donn riafn sie a nou sette kloane Gagele-Firmen wie ins do on. Erschter hon i jo gemoant, irgend sou a Marketing-Firma will Adwords für ins scholtn und gib sich der "Oanfochheit" holber als Google aus. Ober die Nummer (0035314361000) scheint laut immene wirklich zu ihrn Hauptsitz in Dublin zu kearn.

Wos mi wundert, wia de überhaupt auf ins do kemmen. Gredet hot er oleweil von insern Trentino-Portal.

A Mail hot er eatz a nou nochigschickt, mit auf uns personalisiertem Power-Point und so. Hot Google des eatz notwendig? Seit wenn, und wieso? Isch Google epper gor nimmer kultig?


Bookmark A Tram isch foscht wohr gwurdn at del.icio.us Digg A Tram isch foscht wohr gwurdn Technorati A Tram isch foscht wohr gwurdn wong it!


Trackbacks
Trackback specific URI for this entry

No Trackbacks

8 Comments
Display comments as (Linear | Threaded)

derFrankie

Tuesday, October 2. 2007 at 20:40 (Link) (Reply)

Des hot eigentlich net so viel mit Google zu tian, sondern mit Italien (und auf den meisten Karten gibs lei es Trentino). DIe letzte OSZE Studie hat gezoag dass 57% der Italiener überhaupt no nia es Internet gsegn hoben, a net a Seite im Fernsehen oder so.

Und was hat des mit Google zu tian? Um die Leit ins Internet zu kriagen muas man sie in Italien unriafen (ihre Emails lesen sie oamol im Johr) und dann muas man sie per fax bestellen lassen - echt weil per internet isch sell viel zu umständlich ;-)

Aber was wolltn sie der denn verkafen?

Christian

Wednesday, October 3. 2007 at 11:20 (Link) (Reply)

Frankie, i gib Dir foscht recht. Italien isch insgesomt weiter hinten wenns ums Internet geat. Wenn des vor zwoa Johr gschriebn hesch, donn tat i Dir 100%ig recht gebn. Heit schaugn die Sochen schun wieder a bissele ondersch aus. Die Italiener sein mittlerweile internetaffin. (hon koane Belege dofir, isch lei mein Bauchgefühl). Schaug Dir lei amol de gonzn italienischen Blogs on...

Italien holt auf! :-)

endalive

Wednesday, October 3. 2007 at 08:48 (Link) (Reply)

...auch hab ich gehört, dass Google, welches in Italien ohnehin nie jenen Marktanteil wie es beispielsweise in Deutschland hatte, weiter an Anteilen zugunsten von Virgilio und Live-Search verliert. Ähnlicher Trend zeichnet sich in Amerika ab wo Google angeblich Anteilsmäßig am Sinken ist... vielleicht hat sich Google die "Weltherrschaftspläne" nochmal etwas genauer angesehen und gemerkt, dass es wohl doch nicht immer nur Bergauf geht..

Christian

Wednesday, October 3. 2007 at 11:11 (Link) (Reply)

Hosch Du do a Quellenongoben, bzw. Links derzua? Weil des mit Live-Search glab i sicher net, mit den Mischt den Microsoft do produziert. Wenns a Alternative zu Google gib, donn hoast die sell Yahoo! :-)

endalive

Wednesday, October 3. 2007 at 13:36 (Link) (Reply)

...nööö, leido et! Quelln zi do Nutzungstat. finsch unto Google ginui (also anfoch googeln:), obo des mit do Bewegung fan Morktonteil on i fa an Freind. Und stimmp offensichtlich a gor et: http://blog.compete.com/2007/09/26/search-queries-results-yahoo-google-msn-live/
Unto den Link siechtman obo a die Qualität fa die Googleergebnisse, und "tooo scha hea! Obwohl sich viel fa den widdo doklärn losst, obo wos wohres isch do sicho dron! By the way: die Googleherrschaft wert et ewig taurn - gleich wie nicht in Netz ewig taurt...

forza martin

Wednesday, October 3. 2007 at 09:29 (Reply)

...und wenn net schnell Adwords scholtesch bisch morgen gekickt:-)
Scherz beiseite, "G" versuacht olleweil in die walschn Kaemus innizukemmen, wer a poor rein walsche MFA-Saits :-) betreib, woass a wiso: Im Vrgleich zu deitsche holbe Einnohm respektive ähnliche daitsche Keys und Ads."G" kaft mittlerweile a Banner und Lidrboards auf gressere Sites mit PMI-Tartget, ohja.-)

Christian

Wednesday, October 3. 2007 at 11:06 (Link) (Reply)

Oschpele, Martin. Bisch net zufriedn mit pronto imprese? ;-)

forza martin

Thursday, October 4. 2007 at 14:23 (Reply)

Ziogengg bin i zufrieden :-)

Add Comment

Enclosing asterisks marks text as bold (*word*), underscore are made via _word_.
Standard emoticons like :-) and ;-) are converted to images.

To prevent automated Bots from commentspamming, please enter the string you see in the image below in the appropriate input box. Your comment will only be submitted if the strings match. Please ensure that your browser supports and accepts cookies, or your comment cannot be verified correctly.
CAPTCHA

 
 
 
 

Wer schteckt hintr moansch.net?

my avatar

Ba moansch.net schreibn mehrere Leitlen mit. Wenns genau wissn wöllts wer, donn schaugs amol in Impressum eini. Weiterlesen arrow