Bayrisch lernen

Moansch.net? - Blog aus Südtirol

Bayrisch lernen

May 27


Wia mir jo wissen, sein die Südtiroler eigentlich Bayern! ;-) ... und heit hon i ban Lesn vom Blog von Matthias folgenden Link gfunden:

www.bayrisch-lernen.de

Vielleicht waret des a Meglichkeit, es Südtiroler Dialektwörterbuach weiter auszubauen? Moansch.net Herbert?


Trackbacks
Trackback specific URI for this entry

No Trackbacks

4 Comments
Display comments as (Linear | Threaded)

Herbert

Tuesday, May 29. 2007 at 10:09 (Link) (Reply)

De Seite isch wirklich klasse. Hot mir bei mein letzten Besuch in Bavarien wertvolle Dienste geleistet: wo geht's do af d'Wiesn? ;-)

Eine Ausbau von Oschpele-Wörterbuach in diese Richtung wäre sicherlich interessant, zem miasset'n mir (neben a bissl mehr Zeit) ober a no a poor kompetente Leit hoben. Schaug'n mir mal.

Roland

Thursday, May 31. 2007 at 22:46 (Reply)

Griaß enk,
i daat gern mithejfa as Dialektwertabuach no a bisserl ausz'bauen. Auf da "bayerisch lernen" Seitn werd a bisserl da westmittlboarische Dialekt in Minchn/Minga ogsprocha und erklärt. I kenn mi auf jeden Foi a bisserl mit
de westmittlboarischn Mundartn aus. Nochdem i aa tiroler Verwandte hob is des
westmittlboarische bei ins dahoam a wengerl sidboarisch gfärbt. ;-)
No a Kloanigkeit zum "y" in "bayerisch" und "Bayer". Wann's ums Land/Bundesland Bayern geht schreibt ma "y" und wann's um an Sprochraum geht, schreibt ma "i"=> "bairisch" und "Baier". Fir mi is des net aso tragisch, oba bsunders außerhoib von Oidbaiern is ma do scho efter amoi kritisch ;-)
Gonz interessant waar aa a Mundartforum, wo ma iber oanzelne Werter dischkriern kannt. I glaab mit so am Forum kannt ma des Wissn von de Leit am Bestn bündln.
Pfiat Gott,
Roland

Hetschepetsch

Monday, August 13. 2007 at 12:32 (Reply)

Grias enk!
I waas nitt, obo wonn do gsoog worrn isch, doss tirolerisch so viel mit boarisch zan tuin hott, konn i semm nitt vostion.
I bin a Oschttirolo unn honn a boarische müoto.
Die vazaalt ollm, dosses om unfong schwaare ghobb hott, olls zan begreifn, woss z. b. zwaa oschttirolo paurn mitanonnd zan vazaahln hobn. wonn i amool mai oma in niodobayan bsuicht hob, isches ma aa reat fremd fierkemmen, woss vun mir welln hott. die homm kaan melchermuis unn kaane hetschepetsch unn schoo gaa kaane gitschelen - nuo "dearndln" :-))
nana, do muis mo schoo gscheit zuicheloasn - a wonn mio eigentlich aa bayuwaren saint.
ebbs ondosch moogs sain beim kufstoana odo kitzbicheler diolekt. sell isch fier mi schoo wio boarisch.

Christian

Monday, August 13. 2007 at 13:32 (Link) (Reply)

Jo, i gib Dir recht. Ober a Kolterer tuat sich oftramol a schwar an Regglberger zu verschtean, oder a Boazner an Sarner... sell will ober net hoasn, dass es net olle Tirouler sein! ;-)

Servus
Christian

Add Comment

Enclosing asterisks marks text as bold (*word*), underscore are made via _word_.
Standard emoticons like :-) and ;-) are converted to images.
E-Mail addresses will not be displayed and will only be used for E-Mail notifications

To prevent automated Bots from commentspamming, please enter the string you see in the image below in the appropriate input box. Your comment will only be submitted if the strings match. Please ensure that your browser supports and accepts cookies, or your comment cannot be verified correctly.
CAPTCHA

 
 
 
 

Wer schteckt hintr moansch.net?

my avatar

Ba moansch.net schreibn mehrere Leitlen mit. Wenns genau wissn wöllts wer, donn schaugs amol in Impressum eini. Weiterlesen arrow