Feil Schähring

Moansch.net? - Blog aus Südtirol

Feil Schähring

Apr 5

Jojo, i honns ollm schun gsogg! Teats net zuviele Feils schähren. Teats die Feils kafn. Geats ins Kino. Leichts enk DVDs aus (weil öfter wia oanmol in Film onschaugn, mocht eh koan Spaß). Kafts CDs, kafts in eiTunes. Teats net olls kopiern, lei um enkere 250-GB-Plott auf Druck voll zu kreagn. Weil losn, teats eh ollm lei die gleichn fünf Liader.

Schaugs, eatz werd a in Italien nimmer gschpaßt! A ba heise.de lest man, dass Südtiroler Onwälte (Otto Mahlknecht v/o Giselher) sich mit dem Thema befossen.


Folls es jemand interessiert, des do isch meine persönliche Meinung:

  • I reschpektier Copyrights, deswegen holt i a nix vom Feilsharing im Raubkopierer-Sinn.
  • Jeder, der wirklich eppes wertvolls gschoffen hot, soll derfir eppes kriagn.
  • Wos i net mog:
    • Multis, de versuachn Exempel an orme Teenager zu statuieren.
    • Multis, da über johrzehnte an leichte Milliardeneinnohmen gwöhnt sein, ober net instond sein, sich auf geänderte technologische und gesellschoftliche Tendenzen einzustellen, und deswegen versuachen auf Druck ollte verbriafte und net verbriafte, eingebildete und echte Rechte mit olle irgendwia meglichen Mittel durchzusetzen.
    • DRM
    • Und olle Onwälte, de von dem gonzen Profit ziagn.
  • Wos i a net mog:
    • Leit, de frogn: "Konnsch mir net de XXX-CD leichn". (XXX konn ersetzt mit jeglichen Album-, ober a Software-Nomen werden)
    • Leit, des sich wundern, wenn man für a Software Geld ausgib.
    • Leit, de aus reiner Sommelwut olls kopiern, wos immen unter die Händ kimp.
  • Wos i mog:



Bookmark Feil Schähring at del.icio.us Digg Feil Schähring Technorati Feil Schähring wong it!


Trackbacks
Trackback specific URI for this entry

Feil Schähring 2008
Jo, es Feil Schähring. Mir werd jo öfters unterschtöllt, dass i mear mit de peer-to-peer-Netze zu tean hon. Ober sell konn i mit reinem Gewissn sogn: Na, i hon nix dermit zu tean, und i sig des a net gern. Mein Nochnomen hots schun long vorm Internet ge
Weblog: Moansch.net? - Blog aus Südtirol
Tracked: Feb 04, 19:22

5 Comments
Display comments as (Linear | Threaded)

Josch

Thursday, April 5. 2007 at 23:56 (Reply)

hallo christian,

im grunde hosch vollkommen recht und wer epas guits leischtet soll dofir a belohnt wern. lei derf man net glei sogn, daß jedr der sich a liedl oarloded a glei a dieb isch und ingsperrt gheart. wen i mir a filmle odor liedl oarlod hoaßt sell no long net, daß i des gekaft het wenn is net oarlodn gekennt het. oarlodn weils grod do isch odor oarlodn um geld zi sporn isch a untrschied.

grüße aus dem recht entsponnt gelsenkirchen in germany wo der oarlodhype längscht widr geschichte isch ;-)

josch

Christian

Friday, April 6. 2007 at 13:05 (Link) (Reply)

Hmmm... jo... irgendwo hosch recht, irgendwo ober a net. Weil: i mog gern Sacher-Torte. I bin a bereit ollm für die Sacher-Torte zu zohlen. Eatz sig i ba mein Lieblingskonditor a Karotten-Torte. Eatz lod i de Karotten-Torte or (nimm sie aus der Theke) und iss sie. Sie hot mir net gschmeckt, deswegen hett i sie a net gekaft, und deswegen isch des a in Ordnung.

So hosch Du des gmoant, oder?

Wenn mir der Konditor freiwillig a Stickele zu koschten gib, isch sell oans und a in Ordnung. Ober wenn i mir ohne zu frogen, zwoa Loschtwogenlodungen voll Torten direkt stehl, sie in mein Eiskoschten (Feschtplott) hau und donn sog: "I hett de eh net gekaft, weil de schmeckt net", donn schtimp do eppes net.

Oder? ;-)

Froahe Oaschtern
Chrischtian

Josch

Saturday, April 7. 2007 at 03:16 (Reply)

hmmmm... i vorsteah wos du moansch und konns vorstiahn. lei lig no do untrschied in dein beispiel zu feil schäring ba:

-torte, egal ob de odo die ondre, hot an verbrauch fa zuitotn de du vobrausch a wenn du sie net zohlsch und kostet in konditor geld. also sein schodn.

wohin gegn

-musik koa weitara investition benötigt, de isch do und ob du sie oalodesch odo et isch fürn "hersteller" egal. also im weitesten sinne koa schodn.

schaug man rein af die faktn und afs gsetzt hosch sicho recht.... trotzdem bin i do meinung man muß a bissl differenziern. z.b. a ob is an film für mi oalod odo ob is für ondre tui odo gor vokaf. sem find is noar a nimma schien!

Herbert

Friday, April 6. 2007 at 10:37 (Link) (Reply)

Es oarloden muass a net ollm illegal sein: siehe www.tonspion.de, do konnsch Lieder von verschiedene, zum Teil auch bekannte Bands kostenlos downloaden. Zem hon i schun an Haufn geniale Musik entdeckt.

derFrankie

Thursday, April 19. 2007 at 21:36 (Link) (Reply)

I bin jo a fiars kafen, do gibts aber in Italien a por tolle Eigenheiten.

Die SIAE zum Beispiel unterscheidet vom Grundprinzip her ja net ob a MP3 legal isch oder net. Warum? Weil man koan SIAE Pickerle draufpappen kann. Sie gian also mal davon aus dass alle illegal sein und du muasch beweisen dass du sie gekaft hosch.

Wia des nor genau ausschaug darüber schweig sie sich aus, und leider (oder gott sei dank) kenn i niamenden in dem des schun passiert isch.

PS: Wenn es SIAE Pickerle auf der Klarsichthülle von a CD isch muass man sel aufkaltn. A an originale CD isch ohne Pickerle a Raubkopie.

Add Comment

Enclosing asterisks marks text as bold (*word*), underscore are made via _word_.
Standard emoticons like :-) and ;-) are converted to images.

To prevent automated Bots from commentspamming, please enter the string you see in the image below in the appropriate input box. Your comment will only be submitted if the strings match. Please ensure that your browser supports and accepts cookies, or your comment cannot be verified correctly.
CAPTCHA

 
 
 
 

Wer schteckt hintr moansch.net?

my avatar

Ba moansch.net schreibn mehrere Leitlen mit. Wenns genau wissn wöllts wer, donn schaugs amol in Impressum eini. Weiterlesen arrow