Moansch.net? - Blog aus Südtirol

Oschpele, schau! Der Herbert hot die (meines Wissens noch) erschte wertende Lischte von die Südtiroler Tourismusportale ins Internet gstöllt. Super...

Bei seinem eigenen Portal konn man ohne weiteres zuischreiben, dass es im Verhältnis "Personal/Ergebnis" auf jeden Foll als klorer Sieger hervorgeht. Wos der Herbert als "One-Man-Band" auf die Fiaß stöllt, do kennen sich viele (a mir) nou eppes oschaugn.

Auf jeden Foll kannats gonz interessant sein, de Lischte weiter auszuorbeiten und aktuell zu holten. Vielleicht waret a Kategorisierung (z.b. Aufgelassen, Aktiv, Spammer, die versuchens halt auch, etc.) einführen.

Do die Portale, de mir sou auf die Schnelle nou einfolln:
www.hotel.bz.it - barrierefreier Urlaub
www.suedtirol.to - relativ nui, ober a vielversprechend
www.suedtirol-lastminute.com - konkrete Angebote
www.afms.de - forza Martin!
www.suedtirolerleben.com - mit Spezialitätenshop
www.einfach-suedtirol.info - Verbands-Portal (HGV), politisch motiviert
www.urlaub-suedtirol.it - Linkaufbau auf den Punkt gebracht
www.suedtirol-hoteltipp.it - tolle Grafik

Wenn i in meine Notizen stöbern tat, kanat de lischte locker nou um 30-40 Portale länger werdn. Vielleicht derrafn mir ins wirklich amol zommen, und lossen sou a komplette Lischte von neutraler Stelle zommenstölln, sozusogn als Leitfoden für die hort umworbenen Hoteliers.

P.S.: Übrigens, danke Herbert für die Blumen!

Lei gonz schnell: auf www.tiroul.info gibs a Wiki, in dem die historisch gewochsenen Ortsnamen gesommelt werden. A interessantes Projekt, vor ollem weils a Wiki isch. Hoffentlich werd de Seit net für irgendwelche politische Strömungen "missbraucht".

EU-weit werd für die freie Wohl des Orztes gekämpft. Dass mir in Südtirol nou weit drvon entfernt sein, sogg mir a Briaf, den i de Woch gekreag hon. Und zwor hon i gwöllt mein Hausorzt wechseln. Mein olter isch in Koltern, wo i aufgwochsn bin. I hon göllt zun Hausorzt von meiner Freindin (mir wohnen in St. Pauls) wechseln, der ober inzwischen in Andrian isch. Er hot mir sou an notwendign Wisch gschriebn, dass er mi dechtersch aufnemmen tat, a wenn i net in sein Einzugsgebiet bin. Do gibs ober nou sou a Kommission de do scheinbor eppes zu sogen hot, und de hot des obglehnt. Guat, eigentlich isch mir des wurscht... ober irgendwia fühl i mi do schun eingschränkt in meiner Freiheit.

Wos gibs schunsch nou? Ah... dor Luis will die Poscht selber austrogn. Typisch: ba ins muas olls vom Lond kontrolliert werdn. Obwohl in den Foll war i lei derfir. Es kennts enk net vorstölln, wia oft i Einlodungen per Poscht kreag, wo es Event schun vorbei isch. Oder der Klassiker: die Mohnung kimp vor der Rechnung. Es isch ba ins in Frongort a schun firkemmen, dass die Poscht gsogg hot: "In die nägschten zwoa Wochn meaßts enkere Poscht selber oholn, weil insere Poschter sein in Urlaub!" - Jo... suuuper. Danke. Und derfir zohln mir ins tumm und teppet mit die Briafmarken. Zum Grausn isch des!

Ober gleich. Nor hon i nou glesn, dass der Silvio eatz a die Telecom Italia kafn will. Bravo. Sell tat zu ihm passn. Soll er glei die Poscht mitkafn, donn hatn mir frisch klore Verhältnisse. Und die Dianschtleischtungsqualität von de boaden Unternemmen passt eh zommen.

Ajo, donn sein sie nou draufkemmen, dass Südtirol net in Amerika isch. Ober sell hat i immene a sogn kennt, Südtirol ligg jo in Bayern!

Jojo, i honns ollm schun gsogg! Teats net zuviele Feils schähren. Teats die Feils kafn. Geats ins Kino. Leichts enk DVDs aus (weil öfter wia oanmol in Film onschaugn, mocht eh koan Spaß). Kafts CDs, kafts in eiTunes. Teats net olls kopiern, lei um enkere 250-GB-Plott auf Druck voll zu kreagn. Weil losn, teats eh ollm lei die gleichn fünf Liader.

Schaugs, eatz werd a in Italien nimmer gschpaßt! A ba heise.de lest man, dass Südtiroler Onwälte (Otto Mahlknecht v/o Giselher) sich mit dem Thema befossen.